الكتابة بلا مخاطرة,< ?xml:namespace prefix = o ns = "urn:schemas-microsoft-com:office:office" />

كمواجهة العواصف على الخريطة.

1. مجهول قال:
   أبريل 5th, 2007 at 5 أبريل 2007 9:23 م

   اجتازت مصر فترة عصيبة من المحن (بضم الميم)او من الرقاعة او من المنيفة وقلة الادب اومن؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ اه والف اه كم هو امر محير سامحك الله يادكتور يونس بالفعل لايوجد اى لفظ يعبر عن الفترة العصيبة من الايييييييييييييييييييييييييييييييييييييييييييييييييييييييييييييييييييييييييييييييييييييييييييييييه

2. مجهول قال:
   أبريل 5th, 2007 at 5 أبريل 2007 10:22 م

   إجابة مقترحة
   http://mabadali.blogspot.com/2007/03/blog-post_25.html

3. مجهول قال:
   أبريل 6th, 2007 at 6 أبريل 2007 12:06 ص

   إنت عايز تعلمنا قلة الأدب؟

4. مجهول قال:
   أبريل 6th, 2007 at 6 أبريل 2007 12:42 ص

   باحبك يا حمار! ع

5. مجهول قال:
   أبريل 6th, 2007 at 6 أبريل 2007 12:47 ص

   الظاهر إن كل اللي بيدخلوا المدونة دي زي صاحبها قلالات أدبين.
   
   واحدة مؤدبة

6. محسن خليل قال:
   أبريل 6th, 2007 at 6 أبريل 2007 1:23 ص

   عيب كده. المدونة دي برضه بيخشوها ستات. محسن خليل

7. عزت هلال قال:
   أبريل 6th, 2007 at 6 أبريل 2007 3:07 ص

   اجتازت مصر فترة مباركة سادت فيها نعمة البلادة حيث تطورت نسبة العناية الأمريكية بمصرنا الحبيبة من 99% إلى 100% وبدئنا مرحلة صعبة من الإعتماد على النفس.

   طلبت منا يا جبيبنا أن نكون نتحلى بالبذائة ولكنني آثرت أن أتوحش بالأدب

   تحياتي
   عزت هلال

8. حاتم منصور قال:
   أبريل 6th, 2007 at 6 أبريل 2007 5:29 ص

   المهم تجتازها. أحسن هي لسة ما اجتازتهاش. على الله يا دكتور يسمع من بقك ربنا، ولما يحصل وتجتاز مصر فترة عصيبة من اللي ما يتسمى بقى نقعد ساعتها على الحيطة ونسمع الظيطة. ونلاقي على مهلنا الوصف المناسب. بس قول يا رب. حاتم

9. محمد منير قال:
   أبريل 6th, 2007 at 6 أبريل 2007 10:10 ص

   غلب حماري! محمد منير

10. مجهول قال:
    أبريل 6th, 2007 at 6 أبريل 2007 10:44 ص

    بس ما تقاطعش!

11. هند فوزي قال:
    أبريل 7th, 2007 at 7 أبريل 2007 5:08 ص

    مكسوفة اقول! هند فوزي

12. ماري نجيب قال:
    أبريل 7th, 2007 at 7 أبريل 2007 7:07 ص

    اجتازت مصر فترة زي العسل. فترة حلوة ومؤدبة وشيك وجذابة وتقدس الحياة الزوجية. فترة كويسة ورخيصة وبنت ناس، وبتعرف تعمل برينجان ومنبار.لأ وإيه؟ عليها حتة توشكة! قد كده! الغرض، فترة ست بيت ممتازة. إنتو نسيتو ان احنا خدنا كاس أفريقيا، ونجيب محفوظ وزويل، وكل ده بفضل مين غير الشايب والولد والبنت اللي عندها دلوقتي 74 سنة، وبتتنطط زي العفريت،وبتحلم تبقى الوالدة باشا. الفلوس زي الرز والشقق على قفا مين يشيل وفرص العمل كده! وكرامة إيه؟ بالهبل! حرية مالهاش مثيل في العالم كله. حكومة متطوعة ما حدش فيها بياخد مليم احمر، وريس شباب وجمال وخفة دم. بالذات خفة دم. مجالس شعب وشورى ومحلية، وجرايد خاصة ومعارضة وقومية! وكل حاجة عمالة ترخص: الأكل والشرب والهدوم والأدوية والكهربة والتليفونات والدروس الخصوصية والزبالة والبنزين وحق الدفنة، لما الناس بقت مش عارفة تصرف الفلوس فين، وهاتك يا تحويش تحت البلاطة! ويا سلام بقى على الميه والهوا! حاجة ترد الروح! ظباط بوليس آخر رقة زي البنت المستحية، ووزير ثقافة رجولة وجدعنة وعنده جاكتة برتقاني ونظارة فوشيا وبيرسم فشر ليوناردو دافينشي. بالذات رجولة! أزهى عصور الديمقراطية والشفافية وطهارة اليد. أجدع دستور وصناديق انتخاب بنور وفتحي سرور. اجتازت مصر باختصار فترة أحلى من الشرف مافيش. ألوه يا هنبكة! يا آه يا آه!
    
    غيرشي انت يا دكتور يونس اللي حاقد ونيتك مش صافية، وبتسأل عن حاجات كده تخلي الواحد يقلق ويتوغوش على الفاضي. الدنيا ربيع والجو بديع! قفل لي على كل المواضيع! قفل! قفل! قفل! قفل!
    
    ماري نجيب
    

13. مجهول قال:
    أبريل 9th, 2007 at 9 أبريل 2007 1:21 ص

    لسة فيه حد فاكر الكلام بيجيب نتيجة؟

14. اعتدال طنطاوي بس إوعى يكون فيه مشاكل للي بيكتب اسمه قال:
    أبريل 9th, 2007 at 9 أبريل 2007 1:44 ص

    النهارده بالصدفة عترت في الهبابة دي. إيه الكلام الغريب ده. إنت عايش فين؟ تلاقيك بتكتب من أمريكا ولا السويد ولا فرنسا. طب تعالى هنا شوية كده علشان تعرف السير بيطلع منين. وعلى فكرة بقى بابا بيقرا كل الجرايد وحاسأله عليك، وهو حيقول لي إنت مين وبتشتغل إيه وعايش في أنهي مصيبة. اعتدال طنطاوي

15. هيام رأفت قال:
    أبريل 9th, 2007 at 9 أبريل 2007 12:11 م

    إحنا لسة حنستنا؟!؟ يا باي! هيام رأفت

16. نوران عبد العزيز. مهندسة ديكور مغتربة قال:
    أبريل 10th, 2007 at 10 أبريل 2007 3:10 ص

    من يضمن لنا عندما تجتاز مصر هذه الفترة البشعة أنها لن تدخل في فترة أخرى أبشع؟ نوران عبد العزيز

17. ماجدة الساعاتي. طبيبة أطفال قال:
    أبريل 10th, 2007 at 10 أبريل 2007 3:21 ص

    أنا مع التعليق الذي كتبته ماري نجيب. كل حاجة عال العال. إحنا اللي ما بنفهمش. إحنا اللي ولاد كذا ومالناش في الطيب نصيب وما نستاهلش النظام الجميل ده والفترة العظيمة دي. فقريين بقى، تقول إيه؟ ماجدة الساعاتي

18. إبراهيم الحلو. شاعر من الدقهلية قال:
    أبريل 15th, 2007 at 15 أبريل 2007 2:28 ص

    شكلها كده مش حتجتازها. وحنفضل دايماً في فترة عصيبة. إياكشي تولع! هذا رأي ناس كتير اليومين دول. أما أنا، فقاعد أدعي: يا رب تقرب البعيد! بس يا مين يعيش؟ أبراهيم الحلو. شاعر من الدقهلية

19. منال سعد الدين قال:
    أبريل 18th, 2007 at 18 أبريل 2007 1:31 ص

    لماذا لا تعلق على التعليقات؟ منال سعد الدين

20. شبل النادي قال:
    أبريل 18th, 2007 at 18 أبريل 2007 1:53 م

    حركة الجيش المباركة تاني؟!؟ ياخي فال الله ولا فالك. إحنا ناقصين؟!؟ كفاية واحدة. واديك شايف النتيجة. شبل النادي

21. مجهول قال:
    أبريل 19th, 2007 at 19 أبريل 2007 6:17 ص

    طول ماحنا زي ماحنا، لا حتجتاز فترة عصيبة، ولا حيحص أي شيء. صدقني. مكتوب علينا الذلك من حاكم بستين نيلة لحاكم بستين ألف نيلة. ما تحلمش يا دكتور! أحسن كل كاتاباتك مليانة أحلام وما بتقدش الأمل مش عارفة ليه. ماريانا

22. واحدة قال:
    أبريل 19th, 2007 at 19 أبريل 2007 10:29 م

    هي ناقصة انقلابات تاني يادكتور؟! ماجربناها وما أكلناش من وراها -اسفة للكلمة-غير “خرا!!عموما انا اعترض على الصيغة المقترحة لوصف المرحلة من اغلب المشاركين “فترة بنت قحبة”, لإن بنت القحبة مش شرط تبقى قحبة. كما ان اي قحبة فيكي يامصر, عاشت او لسا هاتتولد, هي بالتأكيد انضف مليون مرة من النظام الحالي. يبقى ايه.. نسمي ال26 سنة دول واللي لسا هايبقوا 30 -بحد أدنى- ايه؟؟ هانوصفها ازي؟؟ معرفش!!

    مدونة اكثر رائعة لكاتب أكثر من متميز
    
    تحياتي

23. سامية قطب قال:
    أبريل 20th, 2007 at 20 أبريل 2007 8:59 ص

    أنا عندي لوصف هذه المرحلة كبشة اقتراحات أخرى. بس كلها لا تبدأ بحرف القاف أو بنت القاف. اجتازت مصر فترة بنت واو، أو بنت شين. لكنها ليست فترة بنت حرام، فنحن نعرف من يكون أبوها ومن تكون أمها ومن يكون أولاد الميم المعازيم اللي نازلين هبر وما بيبطلوش زغاريط من 30 سنة.
    
    سامية قطب
    

24. مجهول قال:
    أبريل 20th, 2007 at 20 أبريل 2007 12:37 م

    باين عليك من كفاية! شكلك كده منهم! طيب خليها تنفعك ياللي فاكر نفسك بتعرف تكتب قوي، تقولشي الواد المتنبي! أما حاجة غريبة يا جدعان. أمال لو ماكانش أسلوبك يقرف الكلب! روح يا شيخ دانتو عالم زبالة! مصري أصيل

25. تهاني إسماعيل قال:
    أبريل 21st, 2007 at 21 أبريل 2007 11:18 ص

    يحيينا ربنا ويحييك. تهاني إسماعيل

26. أوليف مقار قال:
    أبريل 24th, 2007 at 24 أبريل 2007 12:03 ص

    مش باقول لك صايع؟!؟ كل كلمة بتكتبها بتقول كده. بس فيك شقاوة الأطفال. ما اعرفش ازاي بتجمع بين الصياعة والطفولة. يمكن ده من أهم أسرار تميز. ويمكن كمان السخرية والشعور المرهف. اللي انا عايزة فعلاً اعرفه: ليه كل الحزن ده؟ ليه؟ وساعات باحس بإن السخرية والتريقة على أي حاجة وكل حاجة، ماهياش إلا طريقة تغلوش بيها على الحزن اللي جواك. مش قدام الناس بس. لأ، أساساً قدام نفسك. وبرضه جايز اكون غلطانة وتطلع صايع قوي أكتر مما أتصور. المية تكدب الغطاس ومسير الحي يتلاقى ولو في لندن. أنا جاية مصر على الصيف. وساعتها حنعرف: صايع، ولا صايع قوي. أوليف مقار

27. mdwenty@yahoo.com قال:
    مايو 3rd, 2007 at 3 مايو 2007 6:14 ص

    اخى الكريم
    
    سعدت اوى بزيارتى الاولى لمدونتك
    
    اما بخصوص الموضوع
    
    انت بتسال عن هيبا كلامه بايه
    
    اولا مش هيقدر يقول حاجه لان ده من الصعب انه يحصل الان
    
    بس لو حصل
    
    هيقول اجتازت مصر فتره عصيبه من التبعيه الامريكيه و الهيمنه الاسرائيليه
    
    و التخلص من وزارة البلطجيه ( الدخليه قديما )

28. عمر الشرقاوى قال:
    مايو 3rd, 2007 at 3 مايو 2007 7:20 ص

    اجتازت مصر فتره ولا ما اجتازت احنا ورا نا ايه ادحنا قاعدين لما نشوف اخرتها

29. أحمد سليمان قال:
    مايو 3rd, 2007 at 3 مايو 2007 10:33 ص

    متهيألي ممكن يتقال: اجتازت مصر فترة عصيبة من الفترات العصيبة. أحمد سليمان

30. محمد نصار .. أديب وشاعر قال:
    مايو 3rd, 2007 at 3 مايو 2007 11:18 ص

    مش لاقي الكلمة. معلش! أنا كمان بتحصل لي الحكاية دي كتير. ما ضيقش نفسك. كل اللي بيكتبوا ساعات بيجرالهم كده. ومافيش داعي تفقد الثقة في نفسك. ياما قعدت ألف حوالين نفسي علشان الاقي التعبير المظبوط. وفي الآخر يا بلاقيه يا حد من الزملاء بيساعني. المهم يا أخا العرب: اجتازت مصر فترة عصيبة في غاية الاستعمار. أي خدمة. محمد نصار أديب وشاعر

31. أبو مروان قال:
    مايو 3rd, 2007 at 3 مايو 2007 11:24 م

    بجد مش لاقي حاجة تنفال فساد أحنا عدينا المرحلة ديت من زمان

    لكن مش مهم هنقول ايه المهم تيجي ومتقولش حاجة خالص

    والأهم أنها متبقاش زي اللي اقبلها

    ربنا يستر

32. مجهول قال:
    مايو 9th, 2007 at 9 مايو 2007 11:54 ص

    لا اجتازت ولا حتجتاز. تاعب نفسك إنت واللي من عينتك على الفاضي. مين قال لك فيه حد مجنون يفكر في الكلام الفارغ بتاعكو ده؟ إنتو إيه؟ عايزين إيه؟ مدونات عايزة الحش! يا ساتر! معقولة نرفص الاستقرار برجلينا يا ناس؟ علشان مين؟ إنتو يا حوش يا بتوع تعالي لي يا بطة؟ بلاش الهباب اللي بتشربوه ده وعيشوا عيشة اهاليكو يا ولاد ال…. ولا بلاش. الواحد برضه مربي أهله علموه الأدب مش زيكو يا أوساخ يا عربجية! أوه مجهول. بس مش جاهل!

33. مجهول قال:
    مايو 10th, 2007 at 10 مايو 2007 2:04 ص

    اجتازت مصر فترة عصيبة من كتابات أمثالك المغرضة يا أستاذ بقدونس. مصري غيور على بلده

34. نهال السعدني قال:
    مايو 15th, 2007 at 15 مايو 2007 11:56 ص

    اجتازت مصر فترة عصيبة من الزفت على دماغهم! نهال السعدني

35. مجدي جودت قال:
    مايو 15th, 2007 at 15 مايو 2007 12:07 م

    لاجتياز هذه الفترة العصيبة من تاريخ مصر، لابد أولاً أن نعرف كيف نلفظها، وهذا هو الموضوع. اجتيازها يحتاج إلى جهد كبير ونضال متصل ومش بالساهل. إنها فترة بنت ستين كلب وعايزة زار وطبل بلدي زي ما بعملوا للوطاويط. وأنا باقترح نخرج كلنا بالحلل ونطبل بالمغارف لحد ما تغور في سنتها السودا. أحسن كده بجد حرام. مجدي جودت

36. محمد حماد قال:
    يوليو 11th, 2007 at 11 يوليو 2007 6:07 ص

    الأخوة الأعزاء
    
    تعالوا ندون غدا من اجل العالقين على معبر رفح.
    
    تعالوا نبدأ غدا حملة التضامن مع أخوة لنا في العروبة وفي الدين.
    
    تعالوا نقول للجميع: خلوا عندكم دم، خلوا عندك وطنية، خلوا عندكم إنسانية.
    
    تعالوا نصرخ في وجه الجميع كفى هزلا في مواضع الجد..
    
    تعالوا نقول لهم جميعا: حرام عليكم يا ظلمة..
    
    تعالوا نقول لهم جميعا: افتحوا المعبر الآن وليس غدا.

37. مجهول قال:
    ديسمبر 17th, 2007 at 17 ديسمبر 2007 1:17 م

    test by maktoob 17-12-07-01

38. مجهول قال:
    يناير 23rd, 2008 at 23 يناير 2008 6:42 م

    إيه رأيكم في هذا الاقتراح؟ اجتازت مصر فترة عصيبة من الكسكسي! صح؟ أيوه طبعاً. هو ده: الكسكسي. يا خبر! كانت تايهة عليكو إزاي؟ يا خبر! الكسكسي. إوعوا تنسوها بقى. أنا قلتلكو وخلاص. ماشي؟ ماشي!

39. نهال الخطيب. طالبة بالإعدادية وعندي 15 سنة قال:
    مارس 7th, 2008 at 7 مارس 2008 11:39 ص

    انا اقتراحى لو حد خد بيه هـو: اجتازت مصر فترة عصيبة من الككاه! عشان أنا بنت مؤدبة. نهال الخطيب

40. Hany George قال:
    نوفمبر 16th, 2008 at 16 نوفمبر 2008 1:36 م

    انا مستمتع بقراءة ترجمتك لذكري عاهراتي (جمجمه) الحزينات لماركيز
    
    خصوصا المقدمه
    
    جزيل الشكر بجد
    
    رغم اني متضايق من الجماجم في الروايه

اكتب تعليــقك

الكاتب ـالجدير حقاً بهذه التسميةـ ليس ضمير عصره فقط. إنما هو ـأيضاًـ عقله الباطن.< ?xml:namespace prefix = o ns = "urn:schemas-microsoft-com:office:office" />